Entrega de premios. V Festival Montenegro

Este pasado venres 18 de marzo tivemos a oportunidade de reunirnos na biblioteca municipal para a entrega de premios dos certames literarios do V Festival de arte e novela negra. 

A gala comezou cun breve discurso dos directivos do centro agradecendo a participación e alentando aos alí presentes a seguir participando neste tipo de actividades que realiza o instituto. Tamén tivemos o pracer de escoitar as marabillosas palabras que a poeta Yolanda Castaño dedicounos tanto aos participantes coma aos organizadores polo excelente traballo e esforzo por seguir estendendo a literatura galega. 

Despois desta introdución ao evento, os gañadores/as e finalistas do IV certame de relatos breves foron os que abriron a cerimonia de entrega de premios. De menor a maior foron pasando cada un deles a recoller o seu galardón cun gran sorriso na cara, aínda que coa máscara non puidemos ver o de algúns.

Os seguintes premiados foron os gañadores/as e finalistas do III certame de poesía; era notable a súa felicidade, malia que nalgúns casos non puidemos apreciar completamente os seus rostros.

Finalmente, e estreando categoría, os gañadores/as e finalistas do I certame de microrrelatos foron recibindo o seu premio un a un e con súbita alegría.

Igual que o resto de anos, a participación nos certames segue sendo algo do que estar orgullosos, pero sabemos que pode ir a máis; por iso queremos animar a toda a xente que nos le que o ano que ven se apunten e nos sorprendan a todos co artista que levan dentro. 

 Reseña de Pablo Pazos Parada. 2ºBach B

Diego Ameixeiras. V Festival Montenegro.

Este xoves, 17 de marzo, visitounos Diego Ameixeiras, recoñecido autor de novela negra en galego.

Acompañounos durante unhas horas para poder charlar de forma amena con nós sobre o libro, que tivemos que ler para a segunda avaliación.

Aínda máis, falamos sobre como era o seu traballo e como ¡mplementaba experiencias persoais nas súas tramas, cousa bastante interesante, xa que a parte de escritor, tamén é xornalista.

Puidemos contar coa visita deste escritor, xa que no noso centro se realiza un festival de novela negra anualmente, no que hai certames literarios para motivar ao alumnado a participar e escribir, tendo categorías en poesía, relato breve e microrrelatos.

Con todo, agradecémoslle a visita, xa que fixo a nosa mañá máis amena e nós aprendemos del como el aprendeu tamén algo de nós.

Reseña de Hugo Domínguez Meis. 4º ESO A

Miguel Porto. V Festival Montenegro

O pasado venres tivemos a sorte de coñecer a Kiko da Silva, ilustrador, debuxante, creador de historias e director da escola de ilustración e banda deseñada Garaxe Hermético. 

Kiko orientou a charla co alumnado cara aos mecanismos necesarios para dedicarse ás artes hoxe en día. Ademais explicou a importancia de ter coñecementos matemáticos e financeiros  para ser autónomo. 

A continuación falou das características da súa escola e os profesionais que traballan nela e  amosou vídeos de proxectos de alumnos/as e ex-alumnos/as e de que tratan ás diversas clases e materias. 

Por último, achegounos á súa traxectoria e ao seu traballo mediante o último proxecto no que  leva inmerso 10 anos, “Baixo a sombra das rochas flotantes”. Contando a historia e as paisaxes que inspiran o que será o seu próximo cómic. 

Sen dúbida, unha experiencia enriquecedora sobre todo para o alumnado do bacharelato  artístico. Brindounos a oportunidade de aprender sobre o mundo ao que estamos a punto de  entrar e abriunos os ollos a novas posibilidades.

Vídeo realizado por Nico Rozadas, 2º bacharelato B

Diego Ameixeiras. V Festival Montenegro

O día 17 de marzo tivemos o pracer de coñecer ao escritor galego Diego Ameixeiras. Realizamos un obradoiro no que nos explicou como facer unha personaxe, fixemos un visionado de dous filmes de fai anos e despois comentámolos.

Puidemos ver os aspectos básicos a ter en conta á hora de construir unha personaxe e reflexionamos sobre os seus problemas, as súas inquendanzas... 

 Agardamos que volva pronto!

Reseña de Yanina Iglesias Fernández,

2º bacharelato A

Vídeo elaborado por Nico Rozadas, 2º bacharelato B

Kiko da Silva. V Festival Montenegro

O pasado venres 18 de marzo tivemos a sorte de coñecer a Kiko da Silva, ilustrador, historicista e director da academia Garaxe Hermético.

Kiko orientou a charla cos alumnos de 2° de bachatelato cara o lado máis económico de dedicarse ás artes. Explicou a importancia de ter coñecementos matemáticos e financieiros para ser autónomo.

A continuación falou das características da sus escola e os profesores que traballan nela e amosou videos de proxectos de alumnos e exalumnos e de que tratan ás clases.

Por último achegounos á súa traxectoria e ao seu traballo mediante o último proxecto no que leva traballando 10 anos, “Baixo a sombra das rochas flotantes”, contando a historia e paisaxes que inspiran o seu próximo cómic.

Sen dúbida unha experiencia enriquecedora sobretodo para os alumnos de bacharelato artístico. Brindounos a oportunidade de aprender sobre o mundo ao que estamos a punto de entrar e abriu os ollos a novas posibilidades. 

Reseña de Lucía Villanueva Parada

Vídeo elaborado por Camila de Seta e Nico Rozadas

Yolanda Castaño. V Festival Montenegro

O venres 18 de marzo tivo lugar un taller coa escritora Yolanda Castaño na biblioteca do IES Monte da Vila. O taller comeza co alumnado de bacharelato artístico, amosando as obras que realizaron na materia de volume, reflexo dos poemas de Yolanda do libro O puño e a letra. O alumnado comentou un pouco por riba o porqué da súa obra, dándolle ela un sentido único a cada traballo.

Xa na segunda hora do taller, a autora comeza por dar unha pequena biografía e conta o motivo polo que escolleu a poesía como o seu medio de expresión.

A escritora Yolanda Castaño nace en Santiago de Compostela no ano 1977 e o seu primeiro contacto co mundo da arte foi a través dunha tarea na súa escola e recitando os seus poemas diante doutras clases. 

Ela dase a coñecer coa publicación de Elevar los párpados, tras gañar o Premio Fermín Bouza Brey de Poesía tan só con 17 anos. 

Yolanda recitou unhas palabras alentadoras para estes pequenos artistas: “tes que atopar a mellor maneira de expresarte, sacando o mellor de tí, sentindo que o que fas é teu”.

De seguido, recita o poema Ciclo tenemos la palabra, comezando cunha crítica literaria, na que integrou perfectamente ao alumnado. Pregunta por posibles ideas do que poida significar o verso que tanto repite “o meu verde co teu azul” e os alumnos van aportando as súas ideas.

Cara ao final deste taller de poesía a autora decide crear metáforas con relación ao verán, xa que tal como comenta, este recurso é o máis empregado polos artistas. Algunas das ideas que xurdiron foron:

“O verán é un soño prácido” 

“O verán é unha habitación pechada”

“O verán é un pesadelo pracenteiro”

“O verán é a traca final”. 

Yolanda, collendo estes pequenos versos, chega a crear unha estrofa: 

“O verán é un soño prácido, 

é facerse maior, 

é un pesadelo pracenteiro,

o verán é un polo de limón”,

rematando así o seu taller, deixando unha pequena semente prantada nos corazóns de posibles futuros escritores.

Reseña de Nerea Vila Poceiro

Vídeo realizado por Iñaki Méndez Mouriño

ACTIVIDADES DO v FESTIVAL MONTENEGRO

Miguel Porto

Miguel Porto, afeccionado á historieta desde moi novo, con apenas catorce anos gaña o premio infantil do I Salón de Cómic de Vigo, e con dezasete edita o fanzine Alopecia Mental, do que chega a publicar dous números.

En 2002 entra a colaborar na segunda etapa da revista Golfiño para a que crea a serie de tiras Lúa e despois Niko Natas, que realizará durante máis dunha vintena de números.

Nos anos seguintes os seus historitas aparecerán en multitude de fanzines como ARGH!, Carne Líquida, Fanzine Enfermo ou Lunático e revistas como Dúas veces breve, OINK!, Mongolia, Fume ou O Manglar. 

En 2008, chega por fin a súa primeira obra longa. Será dentro da colección Clásicos en cómic da editorial SM, encargándose de adaptar Tirante el blanco, a famosa novela de cabalería sobre a liberación de Constantinopla da invasión turca. 

En 2011 publica na obra colectiva Yes, We Camp! Bosquexos dunha (R)evolución que conta as experiencias de varios autores durante o 15M.

 

 En 2012, Kiko da Silva abre a escola de cómic O Garaxe Hermético, da que Miguel Porto entra a formar como un dos seus primeiros profesores encargándose, desde entón, de impartir clases sobre técnicas dixitais e proxectos. 

En 2014 crea e dirixe, xunto coa asociación Sende, o festival Bosquexo de debuxo ao natural, un campamento de debuxo para adultos no Parque Natural do Xurés, na aldea de Senderiz, que leva xa 8 edicións ás súas costas. 

En 2016 crea a serie Allen, Son of Hellcock, 

unha revisitación dos cómics de espada e 

bruxería en clave de comedia.

 

 

En 2018 participa na obra colectiva O puño e a letra, na que un nutrido grupo de autores galegos adaptan cada un un poema de Yolanda Castaño. 

 

 

 

En 2020, e con guión de Fernando Llor, métese de cheo no cómic biográfico con Subnormal, libro que relata a historia de Iñaki Zubizarreta, ex xogador da ACB, que sufriu bulling durante a súa infancia precisamente polas calidades que, anos despois, levaríanlle a converterse en xogador de baloncesto profesional.

Kiko da Silva

Artista plástico, autor de banda deseñada, ilustrador e editor, licenciouse na Facultade de Belas Artes de Pontevedra, na especialidade de Pintura.

Con só 16 anos, publicou o seu primeiro libro ilustrado e comenzou a traballar como humorista gráfico en el periódico "La Voz de Galicia".

Desde entón creou e dirixiu as revistas de banda deseñada BD Banda (premio ao mellor fanzine do Salón do Cómic de Barcelona 2007), Fiz e Retranca (Premio do público no Salón do Cómic de Barcelona 2007 e Premio Ourense á Mellor Iniciativa de Banda Deseñada 2010). 

Actualmente colabora con El Correo Gallego realizando viñetas de humor gráfico, ademais de dirixir e impartir clases na Escola Profesional de Banda Deseñada e Ilustración Ou Garaxe Hermético, en Pontevedra.

  Podes seguilo en facebook:                                    E tamén en instagram:

                                                  

    @dasilvakiko                                                           @kikodasilva

 

A Silveira de Kiko da Silva, sección diaria de humor gráfico galego de EL Correo Gallego

 

O Garaxe Hermético, é a primeira Escola Profesional de Banda Deseñada e ilustración de Galicia, fundada por Kiko da Silva no ano 2012.

A escola nace para formar de maneira profesional a autores de BD e ilustradores. As clases están impartidas por Profesionais da BD e a ilustración en activo, cunha ampla e recoñecida experiencia no sector.

O cervo e a sombra. Diego Ameixeiras

 

Imos contar de novo con Diego Ameixeiras durante o Festival Montenegro. Nesta ocasión o noso alumnado puido disfrutar da lectura de O cervo e a sombra. (Xerais, outubro 2021)

  

 Mateo, o protagonista desta vibrante e conmovedora novela de Diego Ameixeiras, tenta saír adiante vendendo cocaína e deixándose enredar polos estraños negocios que lle ofrece Silvio, o seu mellor cliente e un vello amigo co que se sente en débeda. Ao mesmo tempo, mentres se esforza en superar a morte dos pais nun accidente de tráfico, ocúpase de atender a Eulalia, unha mestra xubilada que xa non pode levarlle flores ao seu irmán morto. Na loita por superar a orfandade e non renderse ante as circunstancias, Mateo procura o apoio de Andrés, un sacerdote que anos atrás o axudou a desintoxicarse e agora insiste en solucionarlle as dúbidas de fe. A inesperada aparición de Irene na cidade, unha relación que o marcou para sempre, e o descubrimento da Barronka, un edificio rehabilitado por un grupo de anarquistas, prenden en Mateo unha chama de esperanza para seguir vivindo. Pero os seus terrores non están dispostos a abandonalo. Todo é unha lembranza. A lembranza bañada en sangue dos derradeiros días da súa vida.

Podes acceder a unha entrada anterior sobre o escritor no seguinte enlace.

E nesta entrada podes ver o encontro coas mulleres do club de lectura da biblioteca municipal.

Visita de Diego Ameixeiras ao noso centro no III Festival Montenegro

Yolanda Castaño

Yolanda Castaño licenciouse en Filoloxía Hispánica na Universidade da Coruña, cidade na que reside dende os anos 90.

Ao longo dunha carreira que iniciou en 1995, esta poeta, editora, tradutora e xestora cultural veuse posicionando como oome máis internacional da poesía galega.

Fundadora da súa propia Residencia para Escritores/ as, dirixe festivais, ciclos de lecturas mensuais e talleres de tradución poética, sempre con poetas galegos e internacionais. Durante anos foi tamén colaboradora de TV, columnista e divulgadora literaria e recibiu numerosos premios e galardóns.

Completan a súa bibliografía poemarios (en diferentes idiomas), varias antoloxías persoais, plaquettes en 6 idiomas, obras como editora ou tradutora e poemarios infantís.

Desde sempre enormemente interesada no diálogo entre disciplinas creativas, foi pioneira e resultou premiada ao fusionar a poesía con audiovisual, artes plásticas, música, danza, arquitectura ou cociña. Neste sentido, en 2018 publicou o considerado primeiro libro en galego de cómic poético: “O puño e a letra”, unha antoloxía de 40 dos seus poemas interpretados en viñetas por 40 dos mellores artistas galegos/ as deste campo. 

    

                

 

Podes seguila en:

                                                                        

@ castano_yolanda                    @yolandacastanopoesia